غلام الله شھر ۾ شادي شده نياڻي جي مبينا اغوا بابت والدين جي پريس ڪانفرنس

ٺٽو  (رپورٽ: نظير احمد قريشي )غلام الله شھر جي رهواسين پيرسن غلام مصطفيٰ ملاح ۽ سندس گهر واري ايوانِ صحافت ٺٽو ۾ پريس ڪانفرنس ڪندي الزام هنيو آهي ته سندن شادي شده ڌيءَ کي اک جو علاج ڪرائڻ لاءِ ملير اکين جي اسپتال وٺي ويا سين جتي حبيب الله مري ۽ رضا مري مبينا طور  اسان جي نياڻي کي اغوا ڪري ويا.

والدين موجب، اسان جي گھڻين دانهون ڪرڻ کانپوءِ اغوا ڪندڙ هڪ دفعو اسان  مائٽن سان پري کان ملاقات ڪرائي، ۽ واعدو ڪيو ته ڇوڪري شادي شده آهي، جلد گهر پهچائي ويندي، پر افسوس آهي ته ڇهه مهينا گذرڻ باوجود اڃا تائين ڪا به خبر ناھي پئي ڇوڪري جي حياتي بابت شڪ آھي ته والدين خدشو ظاهر ڪيو آهي ته شايد سندن ڌيءَ ماري وئي هجي.

هنن ملاح تنظيمن کان مدد جي گهر ڪندي۽ اعليٰ اختيارين کان مطالبو ڪيو آهي ته معاملي جي شفاف جاچ ڪري سندن ڌيءَ کي بازياب ڪرائي يا سندس بابت حقيقت ظاهر ڪئي وڃي.

آگسٽ 11, 2025