27هين ترميم جون تياريون،ٽرمپ سان ايوان صدر ۾ نئين شخصيت ملاقات ڪندي؟

اسلام آباد(ويب ديڪس)موجوده هائبرڊ نظام ناڪام ٿي ويو؟ سينيٽ اليڪشن بعد اليڪشن ڪمشنر سلطان راجا جو”مشن ايمباسيبل“مڪمل ٿي ويو،اليڪشن اليڪشن جو کيل به پنهنجيانجام تائين پهچي ويندو ۽ سڪندر سلطان راجا کي تڪراري 26هين ترميم ذريعي مليل ايڪسٽنشن به ختم ٿي ويندي،اها گيم 13 جنوري کان شروع ٿي جڏهن چيف جسٽس قاضي فائز عيسيٰ پي ٽي آءِ کان بيٽ جو نشان کسي ڇڏيو،

ان کانپوءِ جيڪو ٿيو اهو دنيا ڏٺو،اليڪشن ڪميشن پي ٽي آءِ کي سياسي جماعت تسليم ڪرڻ کان ئي انڪار ڪري ڇڏيو،سينيٽ اليڪشن ۾ سدائين پاڪستان جي جمهوري ادارن ۽ پارليامينٽ جي تذليل ڪئي ويندي آهي،سينيٽ اليڪشن کان پوءِ ٻيهر سياستدانن کي ويڪائو مال قرار ڏنو ويندو،وڌيڪ ڀڃ ڊاهه ٿيندي،پي ٽي آءِ اندر هڪ نئون اسڪينڊل نڪرندو،

ماڻهو چوندا ته هي سمورا سياستدان ايئن ئي ڪرپٽ آهن،پارليامينٽ مڪمل ٿيڻ بعد 27هين ترميم ايندي، سينئر صحافي اعزاز سيد جي بقول شايد صدر زرداري ايوان صدر ۾ نه رهي،هن ان حوالي سان ڪجهه دستاويز به ڏٺا آهن،صدر زرداري جي صحت جي حوالي سان ڪجهه ماڻهن کي خدشا آهن،ان ڪري کيس عهدو ڇڏڻ لاءِ راضي ڪري بارگيننگ ڪئي ويندي ۽ ان لاءِ وزيراعظم بلاول ڀٽو کي بڻايو ويندو،

شهبازشريف ۽ نواز شريف ان پوزيشن ۾ ناهن ته ان ڪري اسٽيبلشمينٽ کي نه ڪري سگهن ڇو ته کين پنجاب صوبو ڏنو ويو آهي، بلاول جيڪڏهن وزيراعظم آيو ته پوءِ پي ٽي آءِ سان به ڳالهيون ٿي سگهن ٿيون ته اسان عمران خان کي ٻاهر ڪڍون ٿا، جڏهن ته صدر ٽرمپ جي سيپٽمبر ۾ پاڪستان جي امڪاني دوري کان اڳ 27هين ترميم آندي ويندي،ٽرمپ پاڪستان آيو ته معدنيات جي حوالي سان معاهدو ٿيڻ تمام وڏي ڪاميابي هوندي،27

هين ترميم بعد ايوان صدر جي اختيارن ۾ ڪافي تبديليون تبديليون ٿينديون،ٽرمپ سان اتي ويٺل شخصيت جي ئي ملاقات ٿيندي،آگسٽ ۽ سيپٽمبر تائين ٿي سگهي ٿو عمران خان کي به رليف ڏئي بني گالا منتقل ڪيو وڃي.

جُولاءِ 22, 2025