تيز برساتن بعد شهري ٻوڏ جو الرٽ جاري

لاهور (ويب ڊيسڪ) پنجاب ۾ هنگامي حالتن سان منهن ڏيندڙ اداري پي ڊي ايم اي جهلم ۽ چناب درياهه ۾ هيٺين کان وچولي درجي جي ٻوڏ جو الرٽ جاري ڪري ڇڏيو، جڏهن ته راولپنڊي ۽ گوجرانوالا ڊويزن ۾ شهري ٻوڏ جو به الرٽ جاري ڪيو ويو آهي.
پي ڊي ايم اي جي ترجمان موجب، چناب ۽ جهلم درياهه ۾ برساتن سبب پاڻي وهڪرن ۾ واڌ ۽ ٻوڏ جو خطرو آهي.
ترجمان جو چوڻ هو ته راولپنڊي، گوجرانوالا، سرگوڌا، فيصل آباد، ملتان ۽ ڊيرا غازي خان ڊويزن جي ڪمشنرن کي الرٽ جاري ڪيو ويو آهي.
ان کانسواءِ راولپنڊي، اٽڪ، چڪوال، مري، جهلم، گوجرانوالا، سيالڪوٽ، گجرات، منڊي بهاوالدين، وزيرآباد، نارووال، جھنگ، ڪوٽ ادو ۽ ٻين لاڳاپيل ضلعن جي ڊي سيز کي به الرٽ جاري ڪيو ويو آهي.