ملڪ ۾ چوماسي برساتن جا هاڃا، 239 ڄڻا اجل جو شڪار، سوين زخمي

اسلام آباد (ويب ڊيسڪ) نيشنل ڊيزاسٽر مئنيجمينٽ اٿارٽي( اين ڊي ايم اي) جو چوڻ آهي ته ملڪ ۾ چوماسي برساتن دوران 26 جون کان اڄ تائين 239 ڄڻا فوت ٿي چڪا آهن.
اين ڊي ايم اي طرفان جاري ڪيل انگن اکرن موجب گذريل 24 ڪلاڪن دوران 18 ڄڻا حياتي وڃائي ويٺا، جن مان 10 فوتگيون خيبر پختونخوا ۾ ٿيون.
ان کانسواءِ 26 جون کان 21 جولاءِ تائين برساتن سبب زخمي ٿيندڙن جو انگ 597 آهي.
ان دوران سڀ کان وڌيڪ فوتگيون پنجاب ۾ ٿيون، جتي 135 ماڻهو اجل جو شڪار ٿيا ۽ زخمين جو انگ 470 آهي، خيبر پختونخوا ۾ 56، سنڌ ۾ 24 ۽ بلوچستان ۾ 16 ڄڻا برساتن دوران فوت ٿيا.