سکر: پوليس پاران منشيات فروشن ۽ ڏوهارين خلاف آپريشن، 1000 گرام چرس ۽ شراب سميت جوابدار گرفتار
سکر (رپورٽ: امداد گل ڪلوڙ) سکر پوليس پاران جاري ڪيل بيان موجب ايس ايس پي سکر اظهر خان مغل جي هدايت تي سکر پوليس جو منشيات فروش ۽ ٻين ڏوهارين خلاف ڪريڪ ڊائون جاري آهي
گذريل ڏينهن اي سيڪشن جي حدن ۾ ڊي ايس پي سٽي جي سربراهي ۾ ايس ايڇ او اي سيڪشن نفري سان گڏ سرچ آپريشن دوران هڪ جوابدار فهيم ولد سليم کي 1000 گرام چرس، 104 شراب جا آڍيا ۽ ٽن موٽر سائيڪلن سميت گرفتار ڪري ورتو.
پوليس گرفتار جوابدار کي چرس ۽ شراب سميت ٿاڻي تي آندو ۽ هن جي خلاف نارڪوٽڪس ڪنٽرول ايڪٽ تحت الڳ الڳ ڪيس داخل ڪيا ويا. ايس ايس پي سکر اظهر خان مغل طرفان پوليس پارٽي لاءِ شاباشي جو پيغام ڏنو آهي.
جُون 4, 2025اي پيپر
