دادو: گورنمينٽ ڊگري ڪاليج ۾ احتجاجي ريلي، پاڪ فوج سان يڪجهتي ۽ ڀارتي فوج جي جارحيت جي مذمت

دادو (رپورٽ:سرور جلال سولنگي )ڪاليج ايجوڪيشن ڊپارٽمينٽ جي هدايتن تي استاد بخاري گورنمينٽ ڊگري ڪاليج، دادو ۾ هڪ احتجاجي ريلي ڪاليج جي پرنسپال پروفيسر محمد عرفان ڪلهوڙو جي اڳواڻيءَ ۾ ڪڍي وئي.

ريلي جو مقصد پاڪستان جي بهادر هٿياربند فوج سان اظهارِ يڪجهتي ڪرڻ ۽ ڀارتي فوج جي بي جا، بزدلانه حملن جي سخت لفظن ۾ مذمت ڪرڻ هو،

 جنهن جي نتيجي ۾ پاڪستاني سرحدي علائقن ۾ بي گناهه شهري اجل جو شڪار ٿيا ريلي ۾ ڪاليج جي فيڪلٽي ميمبرن، شاگردن ۽ انتظامي عملي وڏي انگ ۾ شرڪت ڪئي. شرڪت ڪندڙن هٿن ۾ پاڪستاني جهنڊا، پلي ڪارڊ ۽ بينر کڻي حب الوطني جا نعرا هنيا جن ۾ پاڪ فوج زنده باد، ڀارت جي بزدلي نامنظور، قوم ۽ فوج هڪ آهن

جا نعرا شامل هئا. ريلي دوران خطاب ڪندي پرنسپال محمد عرفان ڪلهوڙو چيو ته پاڪستان جي هٿياربند فوج ملڪ جي حفاظت لاءِ هر وقت تيار آهي ۽ دشمن جي هر سازش جو جواب ڏيڻ جي مڪمل صلاحيت رکي ٿي.

هن چيو ته نوجوان نسل کي گهرجي ته هو قومي يڪجهتي، امن ۽ هم آهنگي لاءِ پنهنجو ڪردار ادا ڪن تقريب جي آخر ۾ شهيد ٿيل بي گناهه شهرين لاءِ دعاء مغفرت گهري وئي ۽ ملڪ جي سلامتي، امن، اتحاد ۽ فوج جي مضبوط مستقبل لاءِ خاص دعا پڻ ڪئي وئي. ريلي دادو جي مختلف رستن مان گذري، وطن سان محبت جو مثالي مظاهرو ڪيو،

مَي 7, 2025