سکر ۾ سماج دشمن عناصـرن خلاف آپريشن، 4 جوابدار گرفتار ۽ منشيات، هٿيار هٿ

سکر (بيورورپورٽ)ترجمان سکر پوليس پاران جاري ڪيل بيان موجب ايس ايس پي سکر اظهر خان جي هدايتن تي سماج دشمن عناصـرن خلاف مهم جاري آهي،

جنهن تحت وڌيڪ 4 جوابدار گرفتار ڪري منشيات ۽ هٿيار هٿ ڪيا ويا آهن. ڪارروائيون هن ريت عمل ۾ آنديون ويون روهڙي پوليس مجاهد علي ولد سهراب علي عمراڻي نالي جوابدار کي هڪ ٽي ٽي پسٽل ۽ گولين سميت گرفتار ڪري، سندس خلاف دفعو 23(i)A تحت ڪيس نمبر 107/25 داخل ڪيو آهي.ترجمان موجب جوابدار اڳ به ٽي ڪيسن ۾ ملوث رهيو آهي،

جن ۾ ڪيس نمبر 142/13، دفعا 324، 353ڪيس نمبر 80/14، دفعو 452ڪيس نمبر 3/17، دفعو 9 CNS شامل آهن.روهڙي پوليس هڪ ٻي ڪارروائي ۾ اختر ڌاريجو نالي جوابدار کي 2000 گرام چرس سان گڏ گرفتار ڪري، سندس خلاف دفعو 9(3) CNS تحت ڪيس نمبر 106/25 داخل ڪيو آهي.ٿاڻو صالح پٽ جي ايس ايڇ او برڪت علي ولد محرم علي (رهاڪو تعلقو روهڙي) کي 4 بوتلون شراب سان گڏ گرفتار ڪري، سندس خلاف دفعا 3/4 PEHO تحت ڪيس نمبر 56/2025 داخل ڪيو آهي.

پنوعاقل پوليس شفقت چاچڙ نالي جوابدار کي دفعا 3/4 PEHO (لسٽ بي ڪيٽيگري) تحت گرفتار ڪري، ڪيس نمبر 111/25 داخل ڪيو آهي.پوليس ترجمان موجب ايس ايس پي سکر جي هدايتن تي هلندڙ آپريشن جو مقصد ضلعي کي منشيات، غير قانوني هٿيارن ۽ سماج دشمن عنصرن کان پاڪ ڪرڻ آهي، ۽ اهڙيون ڪارروايون مستقبل ۾ به جاري رهنديون.

مَي 5, 2025