پاڪستان ۾ رمضان ڪڏهن کان شروع ٿيندو؟ امڪاني تاريخ سامهون اچي وئي

اسلام آباد (ويب ڊيسڪ) اسپيس اينڊ اَپر ايٽموسفيئر ريسرچ ڪميشن ملڪ ۾ رمضان المبارڪ جو چنڊ نظر اچڻ جي حوالي سان اڳڪٿي ڪري ڇڏي.
سپارڪو ترجمان موجب پاڪستان ۾ رمضان المبارڪ 2 مارچ 2025 کان شروع ٿيڻ جو امڪان آهي.
ترجمان ٻڌايو ته نئون چنڊ 28 فيبروري 2025 تي پاڪستاني وقت موجب صبح 5 لڳي 45 منٽن تي پيدا ٿيندو، 28 فيبروري تي سج لٿي وقت چنڊ جي عمر 12 ڪلاڪ هوندي.
سپارڪو ترجمان چيو ته سعودي عرب ۾ 28 فيبروري تي چنڊ نظر اچي سگهي ٿو، سعودي عرب ۾ رمضان پهرين مارچ کان شروع ٿيندو.
ترجمان وڌيڪ چيو ته شوال جو چنڊ 30 مارچ تي نظر اچڻ جو امڪان آهي ۽ عيدالفطر 31 مارچ تي ٿي سگهي ٿي.
ترجمان واضح ڪيو ته رمضان جي چنڊ جي حوالي سان حتمي فيصلو مرڪزي چنڊ ڏسڻي ڪميٽي ڪندي.