حيدرآباد ۾ پوليس ۽ وڪيل آمھون سامھون

حفيظ شيخ

حيدرآباد جيڪو سنڌ جو ٻيو نمبر وڏو شهر آهي ان ۾ قانون جي حڪمراني قائم ڪرڻ وارا ئي قانون جي ڀڃڪڙي ۾ ملوث ٿين ته پوءِ عام ماڻهو لاءِ انصاف جي اميد ڪھڙي بچي سگهي ٿي؟ تازو ئي حيدرآباد ۾ پوليس ۽ وڪيلن وچ ۾ پيدا ٿيندڙ تڪرار هڪ اهڙو معاملو آهي جيڪو سنڌ جي عدالتي نظام ۽ قانون لاڳو ڪندڙ ادارن جي ڪمزورين کي وائکو ڪري ٿو عام طور تي وڪيل ۽ پوليس قانون جي ٻن اهم پاسن تي بيٺل هوندا آهن پوليس امن امان ۽ قانون تي عمل ڪرائڻ لاءِ جڏهن ته وڪيل عدالتن ۾ انصاف لاءِ جدوجهد ڪن ٿا پر جڏهن اهي ٻئي طاقتون پاڻ ۾ وڙهڻ لڳن ته ان جو اثر سڌو سنئون عام عوام تي پوي ٿو.

حيدرآباد ۾ تڪرار جو بنياد ڪجهه ڏينهن اڳ پيو جڏهن هڪ وڪيل ۽ پوليس آفيسر وچ ۾ سخت جملن جي ڏي وٺ ٿي بعد ۾ اهو معاملو ايترو وڌي ويو جو ٻنهي ڌرين جا گروپ هڪٻئي جي سامهون اچي ويا جيڪو نه ٿيڻ گھرجي ھا وڪيلن جو الزام آهي ته پوليس بنا جواز انهن جي ساٿين تي تشدد ڪيو جڏهن ته پوليس جو موقف آهي ته ڪجهه وڪيل قانون کي هٿ ۾ وٺي رهيا هئا جنهن تي ڪارروائي ڪئي وئي. هن تڪرار ۾ سڀ کان وڏو سوال اهو آهي ته آخر قانون تي عمل ڪرائيندڙ ادارا پاڻ قانون جي ڀڃڪڙي ڇو ڪن ٿا؟ جيڪڏهن پوليس بيجا طاقت استعمال ڪري ٿي ته اها سڌي سنئين قانون جي ڀڃڪڙي آهي. ساڳئي وقت جيڪڏهن وڪيل به قانون کي نظرانداز ڪري ٿا هلن ۽ پنهنجي طاقت جو ناجائز استعمال ڪن ٿا ته پوءِ عام شهري لاءِ انصاف جي اميد ڪھڙي بچي ٿي؟ ڪجهه رپورٽن موجب وڪيلن پوليس اهلڪارن تي تشدد ڪيو ٿاڻي تي حملو ڪيو ۽ پوليس آفيسرن سان بدتميزي ڪئي جڏهن ته ٻي طرف پوليس اهلڪارن طرفان به وڪيلن خلاف تشدد ۽ غيرقانوني ڪاررواين جا الزام لڳايا ويا آھن ـ ڇا وڪيلن کي قانون کان مٿانهون ٿي عمل ڪرڻ جو حق آهي؟

ڇا پوليس کي طاقت جو غلط استعمال ڪرڻ جي اجازت آهي؟جيڪڏهن ڪو به پوليس اهلڪار يا وڪيل قانون جي ڀڃڪڙي ڪري ٿو ته ان کي قانون مطابق سزا ملڻ گهرجي نه ته قانون تي عام ماڻهو جو اعتماد ختم ٿي ويندو ان سموري معاملي کي حل ڪرڻ لاء هڪ غيرجانبدار ڪميٽي ٺاهي وڃي جيڪا هن معاملي جي مڪمل جاچ ڪري ۽ ذميوارن کي سامهون آڻي عدالت کي فوري طور تي مداخلت ڪري ٻنهي ڌرين کي قانون جي دائري ۾ رهڻ لاءِ پابند ڪرڻ گهرجي پوليس ۽ وڪيلن وچ ۾ تڪرار کي حل ڪرڻ لاءِ لاڳاپيل اختيارين کي وچ ۾ پئي ٻنهي ڌرين کي ميز تي آڻي ڳالهه ٻولهه ذريعي حل ڳولڻ گهرجي هي تڪرار صرف پوليس ۽ وڪيلن وچ ۾ طاقت جي جنگ ناهي پر سنڌ جي عدالتي نظام ۽ امن امان بابت هڪ وڏو سوال پڻ آهي جيڪڏهن قانون جا رکوالا پاڻ قانون کي هٿ ۾ کڻن ته پوءِ عام ماڻهو لاءِ انصاف هڪ خواب بڻجي ويندو انهيءَ ڪري ضروري آهي ته انصاف جي بالادستي قائم ڪئي وڃي نه ته حيدرآباد جهڙا واقعا ٻين شهرن ۾ به وڌي سگهن ٿا.

“قانون جي حڪمراني تڏهن ممڪن آهي جڏهن قانون سڀني لاءِ هڪجهڙو هجي!”

هن تڪرار ۾ سڀ کان وڏو سوال اهو آهي ته آخر قانون تي عمل ڪرائيندڙ ادارا پاڻ قانون جي ڀڃڪڙي ڇو ڪن ٿا؟ جيڪڏهن پوليس بيجا طاقت استعمال ڪري ٿي ته اها سڌي سنئين قانون جي ڀڃڪڙي آهي. ساڳئي وقت جيڪڏهن وڪيل به قانون کي نظرانداز ڪري ٿا هلن ۽ پنهنجي طاقت جو ناجائز استعمال ڪن ٿا ته پوءِ عام شهري لاءِ انصاف جي اميد ڪھڙي بچي ٿي؟ ڪجهه رپورٽن موجب وڪيلن پوليس اهلڪارن تي تشدد ڪيو ٿاڻي تي حملو ڪيو ۽ پوليس آفيسرن سان بدتميزي ڪئي جڏهن ته ٻي طرف پوليس اهلڪارن طرفان به وڪيلن خلاف تشدد ۽ غيرقانوني ڪاررواين جا الزام لڳايا ويا آھن

فيبروري 20, 2025