شاگردن لاءِ وڏي خوشخبري

لاهور (ويب ڊيسڪ) پنجاب جي وزيراعليٰ مريم نواز ٻين صوبن جي شاگردن لاءِ ”هونهار اسڪالرشپ اسڪيم“ جي منظوري ڏئي ڇڏي آهي.
جاري ڪيل بيان ۾ مريم نواز جو چوڻ هو ته پنجاب ۾ شاگردن لاءِ ليپ ٽاپ جو انگ وڌائي هڪ لک ڏهه هزار ڪيو ويو آهي، جڏهن ته ليپ ٽاپ ۽ هونهار شاگرد اسڪالرشپ ٻين صوبن جي شاگردن جو به حق آهي.
هن چيو ته آزاد ڪشمير، گلگت بلتستان ۽ ٻين صوبن جا شاگرد پڻ اسان جا ٻچا آهن ۽ هونهار شاگرد اسڪالرشپ لاءِ جيڪو معيار پنجاب ۾ موجود آهي، اهو ئي ٻين صوبن جي شاگردن لاءِ به هوندو.
مريم نواز وڌيڪ چيو ته ميرٽ تي ايندڙ هر ٻار معياري ڪاليج ۾ داخلا وٺي فيس پنجاب حڪومت ادا ڪندي، اسان هر ٻار جي قسمت بدلائڻ چاهيون ٿا.