فيض حميد ڪيس ۾ اڳوڻي آرمي چيف جي گواھي جوامڪان
لاھور (ويب ڊيسڪ) جنرل فيض خلاف ثبوتن جو ڪوھ ھماليا سامھون آيو آھي ۽ جاچ ۾ ھڪ ٻيو نالو بھ شامل ٿي ويوآھي جنرل فيض جن سياسي اڳواڻن سان رابطي ۾ ھيو انھن جا نالا بھ سامھون اچي ويا آھن.
انھن ثبوتن کي عدالت ۽ قوم سامھون ڪيئن آندو ويندو ۽ جنرل فيض جي ٽرائل جي حوالي سان توڙي عمران خان جي حوالي سان اھم ترين فيصلا فوجي قيادت جي ايندڙ گڏجاڻي ۾ زير بحث ايندا جيڪا ھن ئي مھيني ۾ متوقع آھي،
ھڪ اڳوڻي آرمي چيف ۽ انھن سياسي اڳواڻن کي جنرل فيلڊ ڪورٽ مارشل جي ڪارروائي ۾شامل ڪرڻ ۽ سوال جواب ڪرڻ بابت فيصلو ڪيو ويندو جيڪي جنرل فيض حميد نيٽ ورڪ جوحصو ھئا. ھن وقت فيض حميد ٽرائل ۾ پنھنجي حق لاءِ گواھ پيش ڪندو ۽ امڪان ڏيکاريو پيو وڃي تھ جنرل فيض قمر جاويد باجوا کي پنھنجي حق ۾ بيان لاءِ پيش ڪري سگھي ٿو.
ان لاءِ فوج کي اعتماد ۾ وٺڻ ضروري آھي. اگر باجوا پيش ٿئي ٿو تھ اھو ملٽري ٽرائل جي تاريخ ۾ پھريون موقعو ھوندو تھ ڪنھن اڳوڻي آرمي چيف کي پيش ڪيو ويندو.51 سويلين ماڻھن جو ان ڪيس ۾ شامل تفتيش ٿيڻ بابت فيصلو ھن مھيني ڪيو ويندو.ان سان گڏ عمران خان کي بھ ان جاچ ۾ شامل ڪرڻ بابت فيصلو ڪيو ويندو.
جنوري 16, 2025اي پيپر
