پ پ سدائين سنڌ کي گهاءَ ڏنا آهن

ولايت حسين نوناري

 سنڌ   کي پيپلز پارٽي سدائين  گهاءَ ڏنا آھن جنهن جي تاريخ گواه آهي ته ڪيئن پ پ پ ايم ڪيو ايم کي راضي رکن لاءِ ٻٽو نظام لاڳو ڪرڻ وارا اعلان ڪيو۽ ٻئي طرف عوامي دٻاءُ ۽ ترقي پسندڌرين جي وڏن احتجاجن کان پوءِ ڪنھن وڪيل کان پٽيشن داخل ڪرائي  ڪورٽ ۾ به خاموشي اختيار ڪرائي ڇڏي اهڙين  سازشن کي ياد  رکڻ جي ضرورت آھي!

اھائي پ پ حڪومت آھي جنھن مولانا فضل الرحمان جي ڀاءُ کي ڪراچي جي مين سيٽ تي وھاري مولانا کي راضي رکيو ھيو. ساڳيئي طريقي سان ھنن جي صدر آصف علي زرداري  سنڌ درياهه مان ٺھندڙ 6 ڪئنالن جي منظور ڏني آهي ۽ ھاڻ وري مولابخش چانڊيو کان حيدر آباد ۾ دونھاندار تقرير ڪرائي ويئي آھي ته اسان ڪنھن ب صورت م سنڌو  مان6ڪئينال ڪڍڻ تي راضي ناھيون!! ھوڏانھن مراد علي شاھ جو اھو چوڻ ته اسان سنڌو مان ھڪ ڦڙو به پاڻي جو نه ڏينداسين اھڙين منافقين کي سنڌ جا ماڻھو سمجھن ٿا. سنڌ جا ماڻھو بي وقوف ناھن جيڪي اوھان جون سڀ سازشون نه سمجھندا ھجن.

سنڌ جو شعور سمجھي ٿو ته  ٿو ته پ پ ڪرسيءَ جي لالچ تي سڀ سودا ڪندي  رهي آهي ۽ ڪندي رھندي!! جيڪڏھن اوھان عوام جا خير خواھ ھجو ھا ته سڀ کان پھرئين سنڌ جي قدرتي وسيلن جي مالڪي ڪري ڪو ھڪ موقف اختيار ڪريو ھا.  اسين پنھنجي قدرتي وسيلن جا پاڻ ڌڻي آھيون سنڌ جي ٻيٽن تي عوام سان گڏ احتجاج ڪندي بيهي وڃو ها، ڪارونجهر جي ڪٽائي تي سنڌ جا لکين ماڻھو گڏ ڪري سنڌ جا سڀ روڊ رستا بند ڪري پر امن ٿي ويھي وڃو ھا ۽ سنڌ جي سچي عاشق روپلي ڪولهي جيان سر ڏيو ها پر اوھان ته سنڌ جي حقن تي ڳالهائڻ وارن سان گڏ ته ناهيو پر انهن کي کنڀي گم ڪرڻ ۾ سهولت ڪاري وارو ڪردار ادا ڪيو پيا  پ پ بلوچستان جي  حڪومت جي اسيمبليء مان27نومبر تي وزيرا اعلي صادق عمراڻي جي قيادت م اعلان ٿي ڪرائي ته  تحريڪ انصاف تي پابندي لڳايو  وري جڏھن پنجاب اسيمبلي ۾  بل ٿو پيش ٿئي ته تحريڪ انصاف تي پابندي لڳايو ته اتي پي پي وري ساڳي منافقي واري پالسي اختيار ڪندي ان پنجاب اسمبلي ۾ ان قرارداد جي مخالفت ٿي ڪري اھي سڀ منافقي واريون پاليسيون ڪنھن کان به لڪل ڪين آھن؟

سنڌ جي سرزمين جيڪا آباد سرسبز آھي تنهن کي برباد ڪرڻ لاءِ جڏھن ارسا ۽ پنجاب جي حمايٿ وارو بل صدر آصف علي زرداري جي ٽيبل تي پھچي ٿو ته نه رڳو زرداري منظوري ٿو ڏئي بلڪ اھو اعلان به ڪري ٿو ته چولستان واھ سميت ٻين به 5 ڪئنالن جي ٺاھڻ جا به اعلان ڪري ٿو ھنن کان ته نواز ليگ جو گھٽ ۾ گھٽ چٽو ۽ سڌو موقف ته رھيو آھي ٻئي طرف سنڌ جو جھر جهنگ احتجاج پيو ڪري ائين بلڪل جيئن ڪامريڊ غلام رسول سھتي پوري سنڌ کي جوڙي ڪالاباغ ڊيم خلاف عوامي آواز کي اسلام آباد جي ايوانن تائين پھچايو ان وقت به اسان ڪا وڏي طاقت نه به ھياسين پر ماڻھن کي جوڙڻ تي ڪامريڊ غلامرسول سھتي مانڌل شر، امداد چانڊيو، رسول بخش پليجو، ڪامريڊ  مير محمد ٽالپر، محمد اسماعيل قريشي، محمد صالح بلو، انور پيرزادي ۽ ٻين دوستن جو وڏو پورھيو شامل ھيو. جن جي محنتن ان وقت ڪالاباغ ڊيم جي منصوبي کي روڪي وڌو پر ھن وقت ته سنڌ جي قوم پرست ڌڙن يا ترقي پسند ڌرين م به اھا طاقت نه رھي آھي پوءِ  به احتجاج ڪن پيا.

گھر پيا ڪن ته سنڌوءَ کي سڪڻ نه ڏينداسين!!  سنڌوءَ تي ساھ قربان ڪنداسين سنڌو تي ڪو به ڌاڙو مظورناھي. تنهن ڪري پ پ کي کپي ته پنهنجو قبلو درست ڪري جيڪڏهن ائين نه ڪيائين ته ڀٽو زنده هي جا نعرا هڻندڙ پاڻ ڀٽي کي هميشه لاءِ دفن ڪري ڇڏيندا جو ڪو به ڀٽي جو نعرو نه هڻندو.

جنوري 14, 2025