پاڪستاني ٽيم ڏکڻ آفريڪا کي وائيٽ واش ڪرڻ لاءِ سڀاڻي ميدان تي لهندي

جوهانسبرگ (ويب ڊيسڪ) پاڪستان ۽ ڏکڻ آفريڪا وچ ۾ آخري ون ڊي ميچ سڀاڻي کيڏي ويندي.
پاڪستان ۽ ڏکڻ آفريڪا وچ ۾ ٽن ون ڊي ميچن تي ٻڌل سيريز جي ٽِين ۽ آخري ميچ سڀاڻي کيڏي ويندي، ميچ پاڪستاني وقت موجب شام پنجين وڳي شروع ٿيندي.
پاڪستان کي ٽن ون ڊي ميچن جي سيريز ۾ 0-2 جي فيصلائتي سرسي حاصل آهي.
پاڪستان ڪرڪيٽ ٽيم ڏکڻ آفريڪا خلاف آخري هڪ ڏينهن واري ميچ لاءِ جوهانسبرگ پهچي وئي آهي.
پاڪستان ٽيم ڏکڻ آفريڪا کي سيريز ۾ ڪلين سوئيپ ڪرڻ لاءِ تيار آهي جڏهن ته پروٽيز به آخري ميچ کٽڻ لاءِ ڀرپور ڪوشش ڪندا.
قومي ٽيم اڄ جوهانسبرگ ۾ پريڪٽس سيشن ۾ حصو وٺندي، ٽِين ميچ کان اڳ ڏکڻ آفريڪي فاسٽ بالر بارٽيمن گوڏي جي انجري سبب اسڪواڊ مان ٻاهر ٿي ويو آهي.