اڪشي ڪمار ڌڪ لڳڻ سبب زخمي

ممبئي (ويب ڊيسڪ) بالي ووڊ کلاڙي اڪشي ڪمار فلم ”هائوس فل 5“ جي سيٽ تي پيش آيل حادثي ۾ زخمي ٿي پيو، کيس اک ۾ ڌڪ لڳو آهي.
ڀارتي ميڊيا موجب اڪشي ڪمار هڪ سيٽ تي اسٽنٽ ڪري رهيو هو ته اوچتو ڪا شئي سندس اک ۾ لڳي، جنهن کانپوءِ فوري طور ڊاڪٽر کي گهرايو ويو ۽ اک تي پٽي ٻڌي اداڪار کي آرام ڪرڻ جي هدايت ڪئي وئي.
اڪشي ڪمار ڌڪ لڳڻ باوجود جلد سيٽ تي واپسي لاءِ پرعزم آهي ته جيئن فلم جي شوٽنگ وڌيڪ دير جو شڪار نه ٿئي، ڇو ته اها آخري مرحلي ۾ داخل آهي.