اڳوڻي مس يونيورس هرناز سنڌو جي بالي ووڊ ۾ انٽري

ممبئي (ويب ڊيسڪ) اڳوڻي مس يونيورس هرناز سنڌو بالي ووڊ ۾ انٽري ڏيڻ لاءِ تيار آهي.
ڀارتي ميڊيا موجب هرناز سنڌو ايندڙ فلم ”باغي 4“سان بالي ووڊ ۾ انٽري ڏيندي، جنهن بابت هن سوشل ميڊيا تي مداحن کي اطلاع ڏنو ۽ ڀرپور خوشي جو اظهار ڪيو آهي.
ميڊيا رپورٽس موجب باغي 4 رومانس ۽ ايڪشن سان ڀرپور فلم آهي، جنهن ۾ ٽائيگر شروف مک ڪردار ادا ڪري رهيو آهي.
هرناز سنڌو 2021 ۾ 21 سالن جي عمر ۾ مس يونيورس جو اعزاز ماڻيو هو.