قومي فرانزڪ ايجنسي قائم ڪرڻ جو فيصلو، سينيٽ مان بل منظور

اسلام آباد (ويب ڊيسڪ) وفاقي حڪومت نيشنل فرانزڪ ايجنسي جي قيام جو فيصلو ڪري ڇڏيو.
سينيٽ نيشنل فرانزڪ ايجنسي جي قيام لاءِ بل منظور ڪري ڇڏيو، جنهن موجب ريسرچ، فرانزڪ ۽ ڊجيٽل فرانزڪ جا شعبا قائم ڪيا ويندا، ڊجيٽل فرانزڪ جو شعبو قومي سيڪيورٽي جي معاملن ۾ مدد ڪندو.
بل موجب نيشنل فرانزڪ ايجنسي وفاق، صوبن، گلگت بلتستان ۽ آزاد ڪشمير سميت سڀني فرانزڪ ايجنسين کي سروسز فراهم ڪندي، ايجنسي ليب ۽ قانون لاڳو ڪندڙ ادارن کي پڻ سروسز فراهم ڪندي، ايجنسي ڊجيٽل فرانزڪ مواد کي محفوظ رکندي ۽ ماهر طور عدالت ۾ به پيش ٿيندي.
بل موجب نيشنل فرانزڪ ايجنسي جو ڊي جي ٻٽي شهريت رکندڙ نه هوندو، ايجنسي جي بورڊ آف گورنرز جو چيئر پرسن ڊويزن جو سيڪريٽري هوندو، بورڊ ۾ آءِ جي اسلام آباد، نيڪٽا جو نيشل ڪوآرڊينيٽر ۽ نيشل پوليس بيورو جو ڊي جي شامل هوندو.