” هوشياري ڪجانءَ مان توکان به تيز بالنگ ڪندو آهيان “ اسٽارڪ جي راڻا کي وارننگ

پرٿ (ويب ڊيسڪ) آسٽريلوي فاسٽ بالر مچل اسٽارڪ بائونسر ڪرڻ تي ڀارتي بالر هرشيت راڻا کي خبردار ڪري ڇڏيو.
پرٿ ٽيسٽ ۾ ڀارتي ٽيم پهرين اننگز ۾ 150 رنسن تي آل آئوٽ ٿي وئي، جنهن بعد ڪينگروز جي بيٽنگ لائين به واري جي ڀت ثابت ٿي ۽ رڳو 104 رنسن تي ڍير ٿي وئي.
ڀارتي اوپنر ٻي اننگز ۾ شاندار واپسي ڪئي ۽ ٻئي ڏينهن راند جي پڄاڻي تي بنا ڪنهن نقصان تي 172 رنسون ٺاهي ورتيون، يشسوي جئسوال 90 ۽ ڪي ايل راهول 62 رنسن سان ڪريز موجود آهن.
پرٿ ٽيسٽ ۾ آسٽريليا جي اننگ دوران ڀارتي فاسٽ بالر هرشيت راڻا مچل اسٽارڪ کي تيز بائونسر کيس گهوري ڏٺو جنهن تي مچل اسٽارڪ چيو ته” مان تون کان وڌيڪ تيز بالنگ ڪندس، منهنجي يادداشت ڏاڍي سٺي ٿئي“
اسٽارڪ جي ڳالهه تي هرشيت راڻا ڪو جواب نه ڏنو ۽ رڳو مسڪرايو.
ڪجهه اوورن کانپوءِ هرشيت راڻا هڪ ٻيو بائونسر ڪيو جيڪو سڌو مچل اسٽارڪ جي هيلمٽ تي لڳو، جنهن بعد هرشيت فوري طور مچل اسٽارڪ جي ويجهو آيو ۽ کائنس خيريت معلوم ڪئي.