فخر زمان جي مداحن لاءِ خوشخبري
لاهور ( ويب ڊيسڪ ) قومي ڪرڪيٽ ٽيم جي اوپنر فخر زمان ۽ پي سي بي ۾ مسئلا جلد حل ٿيڻ جو امڪان ظاهر ڪيو ويو آهي.
قومي بيٽر پاڪستان ڪرڪيٽ بورڊ ( پي سي بي ) طرفان جاري شوڪاز جي جواب ۾ پنهنجو موقف واضح ڪري ڇڏيو.
ذريعن جو چوڻ آهي ته پاڪستان ڪرڪيٽ بورڊ جي رويي ۾ نرمي آئي آهي، ايندڙ ڪجهه ڏينهن ۾ فخر زمان واري معاملي ۾ اڳڀرائي جو امڪان آهي.
پاڪستان وائيٽ بال ٽيم جي ڪپتان محمد رضوان به فخر زمان جي ٽيم ۾ واپسيءَ بابت بورڊ اختيارين سان ڳالهه ٻولهه ڪئي هئي.
پي سي بي طرفان فخر زمان کي بابر اعظم جي ٽيم مان ڊراپ ڪرڻ بابت بيان ڏيڻ تي شوڪاز نوٽيس جاري ڪيو ويو هو.
اي پيپر
