” سي آءِ ڊي “ جي 6 ورهين بعد واپسي، مرڪزي ڪاسٽ ۾ ڪير ڪير شامل؟

سي آءِ ڊي بنا ڪنهن شڪ جي انتهائي مقبول ڊرامو هو جيڪو پاڪستان ۾ ڪيئي ماڻهو شوق سان ڏسندا هئا.
ويهه ورهين تائين نشر ٿيندڙ ۽ مقبول هئڻ باوجود 2018ع ۾ بند ٿي ويو هو، پر اِهو ڊرامو ڇهن ورهين جي وقفي کانپوءِ هڪ ڀيرو ٻيهر ننڍي اسڪرين تي واپسي ڪري رهيو آهي.
ڊرامي جي پراڻي ڪاسٽ جا مک ڪردار اي سي پي پرديومن سان گڏ اڀيجيت ۽ دَيا به ٻيهر پنهنجا جوهر ڏيکارڻ لاءِ تيار آهن.
ڊرامي جي ٻي ڪاسٽ بابت تفصيل جاري ناهن ڪيا ويا نه ئي اِهو ٻڌايو ويو آهي ته پراڻي ڪاسٽ مان ڪهڙن ڪهڙن اداڪارن جي واپسي ٿيندي.
ڇهن ورهين بعد سي آءِ ڊي جي واپسي جو اعلان ٽي وي چئنل طرفان سوشل ميڊيا پوسٽ ذريعي ڪيو ويو.
چئنل طرفان شيئر ڪيل تفصيل موجب، 26 آڪٽوبر تي سي آءِ ڊي جو ڌماڪيدار پرومو جاري ڪيو ويندو.
ياد رهي ته سي آءِ ڊي ڊرامو جنوري 1998ع کان آڪٽوبر 2018 تائين ڊرامي جون 1547 قسطون نشر ڪيون ويون.