سوچيو نه هو اهڙيون پچون ٺهنديون، سيريز هارائڻ تي مايوسي ٿي: بين اسٽوڪس

راولپنڊي ( ويب ڊيسڪ ) پاڪستان هٿان ٽيسٽ سيريز ۾ شڪست کائيندڙ انگلش ٽيم جي ڪپتان بين اسٽوڪس چيو آهي ته ميچ ۽ سيريز هارائڻ تي مايوسي ٿي، ڪيويز خلاف سيريز ۾ واپسي جي ڪوشش ڪنداسين.
پنڊي ٽيسٽ جي پڄاڻي تي پريس ڪانفرنس ڪندي انگلش ڪپتان بين اسٽوڪس اعتراف ڪيو ته بالر ۽ بيٽر طور هو سٺي ڪارڪردگي نه ڏيکاري سگهيا.
سندس چوڻ هو ته ڊگهي عرصي کان لاڳيتو ڪرڪيٽ کيڏي رهيا آهيون پر پهرين ٽيسٽ ۾ ڪاميابي کانپوءِ لاڳيتو ٻه ميچون هارائڻ مايوس ڪندڙ آهي.
هن چيو ته غلطين مان سکي نيوزيلينڊ خلاف سيريز ۾ ڀرپور واپسي ڪبي، ڪرڪيٽ ۾ سٺا خراب ڏينهن ايندا آهن، هو مڪمل طور فٽ آهي، اسپنرن جا آپشن موجود انڪري بالنگ نه ڪئي.
بين اسٽوڪس وڌيڪ چيو ته ساجد خان، نعمان علي شاندار صلاحيتون ڏيکاريون، ذهني طور اسپن پچز لاءِ تيار نه هئاسين اِهو ئي سندن سيريز ۾ شڪست جو سبب بڻيو.