ايمرجنگ ايشيا ڪپ: يو اي اي کي شڪست، ڏاهاڻيءَ پاڪستان کي سيمي فائنل ۾ پهچائي ڇڏيو

الامارات( ويب ڊيسڪ ) ايمرجنگ ايشيا ڪپ ۾ پاڪستان شاهينز ، گڏيل عرب رياستن کي هڪ طرفي مقابلي کانپوءِ شڪست ڏئي سيمي فائنل لاءِ ڪواليفاءِ ڪري ورتو.
عمان جي جي شهر الامارات ۾ کيڏيل ميچ ۾ شاهينز پهريان بيٽنگ ڪندي مقرر 20 اوورن ۾ چئن وڪيٽن جي نقصان تي 179 رنسون ٺاهيون.
ڪپتان محمد حارث 71 ۽ حيدر علي 32 رنسن جي ناٽ آئوٽ اننگز کيڏي، جڏهن ته ياسر خان 25، قاسم اڪرم 23 ۽ عمير يوسف 21 رنسون ٺاهيون.
180 رنسن جي هدف پٺيان ڊوڙندي يو اَي ايِ جي ٽيم 17 هين اوور ۾ 65 رنسن تي آل آئوٽ ٿي وئي، اماراتي ٽيم جي ڪپتان راهول چوپڙا سڀ کان وڌيڪ 20 رنسون ٺاهيون.
پاڪستان جي شاهنواز ڏاهاڻي 12 رنسون ڏئي پنج وڪيٽون ورتيون ۽ ٽيم جي فتح ۾ ڪارائتو ڪردار ادا ڪيو.
ان کانسواءِ سفيان مقيم ٻه، احمد دانيال، عباس آفريدي ۽ عرفات منهاس هڪ، هڪ وڪيٽ حاصل ڪئي.
شاندار بالنگ تي شاهنواز ڏاهاڻي کي پليئر آف دي ميچ قرار ڏنو ويو .