پنڊي ٽيسٽ: انگلينڊ، پاڪستان خلاف پليئنگ اليون اعلان ڪري ڇڏيو

راولپنڊي ( ويب ڊيسڪ )پاڪستان جي خلاف سيريز جي آخري ٽيسٽ ميچ لاءِ انگلينڊ پليئنگ اليون جو اعلان ڪري ڇڏيو.
راولپنڊي ۾ شيڊيول سيريز ۽ آخري ٽيسٽ ميچ لاءِ انگلش ٽيم ۾ ٻه تبديليون ڪيون ويون آهن، فاسٽ بالر گس اٽڪنسن جي واپسي ٿي آهي جڏهن ته ريحان احمد کي به پليئنگ اليون جو حصو بڻايو ويو آهي.
ٽِين ٽيسٽ ميچ لاءِ انگلينڊ جي اعلانيل پليئنگ اليون ۾ ڪپتان بين اسٽوڪس، زيڪ ڪراولي، بين ڊڪٽ، اولي پوپ، جوءِ روٽ، هيري بروڪ، جيمي سمٿ، گس اٽڪنسن، ريحان احمد، جيڪ ليچ ۽ شعيب بشير شامل آهن.
واضح رهي ته پاڪستان ۽ انگلينڊ وچ ۾ ٽن ميچن جي سيريز ۾ انگلينڊ پاڪستان کي پهرين ٽيسٽ ۾ اننگز 47 رنسن تان شڪست ڏني هئي، ٻي ميچ ۾ پاڪستان شاندار واپسي ڪندي انگلينڊ کي 152 رنسن تان هارائي ڇڏيو هو.