انگلش ڪرڪيٽر اولي اسٽون شاديءَ جي چوٿين ڏينهن ئي پاڪستان موٽي آيو

ملتان ( ويب ڊيسڪ ) انگلش ٽيم جي فاسٽ بالر اولي اسٽون شادي جي چوٿين ڏينهن ملتان ۾ ٽيم کي جوائن ڪري ورتو .
اولي اسٽون گذريل هفتي پنهنجي شادي لاءِ موڪل وٺي انگلينڊ هليو ويو جتي هن ڇنڇر جي ڏينهن انگلينڊ ۾ شادي ڪئي هئي.
اولي اسٽون جيسيڪا نالي ڇوڪري سان پسند جو پرڻو ڪيو جنهن جون تصويرون ڪرڪيٽر طرفان سوشل ميڊيا تي پڻ شيئر ڪيو ويون هيون.
اولي اسٽون ٽِين ٽيسٽ لاءِ انگلينڊ ٽيم کي دستياب هوندو جنهن لاءِ هن ٽيم کي ملتان ۾ جوائن ڪري ورتو آهي.
واضح رهي ته پاڪستان ۽ انگلينڊ وچ ۾ ٽن ٽيسٽ ميچن تي ٻڌل سيريز جي ٽِين ۽ آخري ٽيسٽ ميچ 24 آڪٽوبر کان راولپنڊي ۾ شروع ٿيندي.