قومي ٽيم پنهنجي سرزمين تي فتح جي ڳولائو آهي: محمد حفيظ

لاهور (ويب ڊيسڪ ) قومي ڪرڪيٽ ٽيم جي اڳوڻي ڪپتان محمد حفيظ چيو آهي ته پاڪستان پنهنجي گهر ۾ ڪاميابيءَ واري فارمولي جي ڳولا ۾ آهي.
سوشل ميڊيا تي جاري ڪيل بيان ۾ محمد حفيظ چيو ته پهرين ٽيسٽ لاءِ استعمال ٿيل پِچ تي ٻي ٽيسٽ ميچ کيڏي پئي وڃي.
اڳوڻي ڪپتان مئنيجمينٽ کي تنقيد جو نشانو بڻائيندي چيو ته چئن اسپنرن کي پليئنگ اليون ۾ رکي مئنيجمينٽ اميد ڪري رهي آهي ته پِچ ٽرننگ هوندي.
هن وڌيڪ چيو ته قومي ٽيم پنهنجي سرزمين تي ڪاميابيءَ جي فارمولي جي ڳولا ۾ آهي، اميد آهي ته اِها حڪمت عملي پاڪستان جي حق ۾ ويندي.