پاڪ فوج جو اعزازي ڪيپٽن بڻجڻ فخر جوڳو لمحو هو : باڪسر عامر
لنڊن ( ويب ڊيسڪ ) پاڪستان ڄائي برطانوي باڪسر پاڪ فوج جي اعزازي ڪيپٽن بڻجڻ تي خوشيءَ جو اظهار ڪيو آهي.
هڪ بيان ۾ باڪسر عامر خان چيو ته پاڪستان سميت سڄي دنيا ۾ راندين جي دنيا سان واسطو رکندڙ پهريون پاڪستاني آهيان جنهن کي اِهو اعزاز مليو آهي.
ٻئي پاسي سماجي رابطن جي ويب سائيٽ ايڪس تي تقريب ۾ ورتل تصويرون شيئر ڪندي باڪسر عامر خان لکيو ته لنڊن ۾ يوم دفاع ۽ شهداءِ پاڪستان جي تقريب ۾ شرڪت جو اعزاز حاصل ٿيو.
عامر خان چيو ته پاڪ فوج جو اعزازي ڪيپٽن بڻجڻ فخر جوڳو لمحو هو، ان کانسواءِ هن ڪرنل تيمور ۽ ڊاڪٽر محمد فيصل جا ٿورا پڻ مڃيا.
ياد رهي ته هلندڙ سال مئي ۾ پاڪ فوج عامر خان کي باڪسنگ جي ميدان ۾ ڪاميابين جي اعتراف تي کي هڪ ڏينهن لاءِ اعزازي ڪيپٽن جي رينڪ لڳائي وئي هئي.
اي پيپر
