بلاڪ بسٽر” جوان“ جي هيروئن نينٿارا جو شاهه رخ جي فلم ۾ ڪم ڪرڻ انڪار؟

ممبئي(ويب ڊيسڪ ) بالي ووڊ ۽ تامل انڊسٽريءَ سان واسطو رکندڙ اداڪارا نينٿارا هندي سئنما جي ڪنگ يعني شاهه رخ خان سان گڏ ڪم ڪرڻ کان انڪار ڪري ڇڏيو هو.
پرڏيهي ميڊيا رپورٽس موجب، اداڪارا نينٿارا ڀارت ۾ سڀ کان وڌيڪ معاوضو وٺندڙ اداڪارائن منجهان هڪ آهي جنهن جو ڳاڻيٽو ڏکڻ ڀارتي فلم انڊسٽريءَ جي ڪامياب اداڪارائن ۾ ٿيندو آهي.
ميڊيا رپورٽس موجب، نينٿارا کي شاهه رخ خان ۽ دپيڪا جي بلاڪ بسٽر فلم ” چنائي ايڪسپريس “ ۾ ڪم ڪرڻ جي آڇ ڪئي وئي هئي جيڪا هن ٿڏي ڇڏي هئي.
ميڊيا رپورٽس ۾ ڄاڻايو ويو آهي ته اداڪارا ذاتي مصروفيتن سبب فلم ۾ ڪم ڪرڻ کان انڪار ڪيو، اداڪارا جو ڀارتي ڪوريو گرافر ۽ هدايتڪار پرڀو ديوا سان بريڪ اَپ ٿيو هو، جڏهن ته پرڀو ديوا جو ڀاءَ راجو فلم جي گيت جي ڪوريو گرافي ڪري رهيو هو اِهو ئي سبب هو جو اداڪارا فلم ۾ ڪم ڪرڻ کان انڪار ڪري ڇڏيو.
ميڊيا رپورٽس موجب، اداڪارا نينٿارا شاهه رخ خان سان 2023 ۾ رليز ٿيل سپر هٽ فلم ” جوان “ ۾ مرڪزي ڪردار ادا ڪيو هو، فلم باڪس آفيس جي ڪاميابي جا نوان رڪارڊ قائم ڪيا هئا.