خوشنصيب آهيان جو آمنه ۽ صنم منهنجي زندگيءَ ۾ آيون: محب مرزا

ڪراچي ( ويب ڊيسڪ ) پاڪستاني فلم ۽ ڊراما انڊسٽري جي مشهور اداڪار محب مرزا چيو آهي ته هو پنهنجي زندگيءَ ۾ بهترين عورتن آمنه شيخ ۽ صنم سعيد کي شامل ڪرڻ تي پاڻ کي ڀاڳوند سمجهي ٿو.
پنهنجي هڪ انٽرويوءَ ۾ پنهنجي ذاتي زندگي ۾ عورتن جي ڪردار بابت ڳالهائيندي محب مرزا چيو ته آمنه ۽ صنم بهترين انسان ۽ عورتون آهن، ٻنهي جو سٺن گهراڻن سان واسطو آهي.
اداڪار چيو ته ٻنهي جي پرورش سٺي ماحول ۾ ٿي آهي، خاص طور سندن مائرن انهن جي تربيت ۾ اهم ڪردار ادا ڪيو آهي.
هن چيو ته بي شڪ، آمنه ۽ منهنجي علحيدگي ٿي چڪي آهي، مان ان معاملي تي نه ڳالهائيندس ڇو ته اِهو اسان جو نجي معاملو هو، هر رشتي ۾ لاها چاڙها ايند اآهن، ڪڏهن ڪڏهن ٻه ماڻهو سٺا هئڻ باوجود به گڏ ناهن رهي سگهندا پر ان باوجود مون لاءِ آمنه هڪ سٺي انسان آهي.