ماڊلنگ لاءِ تعليم نه پر قد ۽ جسم کي ڏٺو ويندو آهي: آمنا الياس

ڪراچي (ويب ڊيسڪ) ناليواري ماڊل ۽ اداڪارا آمنا الياس چيو آهي ته ماڊلنگ ڪيريئر لاءِ تعليم جي ايتري ضرورت ناهي، جيتري ڊگهي قد ۽ خوبصورت جسم جي آهي. پنهنجي تازي انٽرويو ۾ آمنا الياس چيو ته ماڊلنگ ڪيريئر لاءِ تعليم ايتري لازمي ناهي جيتري ماڊلنگ ڪندڙ جي جسم ۽ ڊيگهه جي هوندي آهي.هن چيو ته ماڊلنگ جي خواهشمند لاءِ پلس پوائنٽ هوندو آهي ته ان جو قد ڊگهو هجي ۽ جسماني بيهڪ طور فٽ (صحتمند) هجي. سندس چوڻ هو ته ريمپ تي واڪ ڪندي ماڊلز کي مسڪرائڻ نه گهرجي ۽ پنهنجي جسماني بيهڪ کي به گهڻو متحرڪ ڏيکارڻ جي ضرورت ناهي ته جيئن واڪ ڏسندڙ جو سڄو ڌيان ماڊلز جي لباس تي رهي.