ڊيرا اسماعيل خان ۾ فورسز جو آپريشن، اٺ دهشتگرد مارجي ويا

ڊيرا اسماعيل خان ( ويب ڊيسڪ ) ڊيرا اسماعيل خان ۾ سڪيورٽي فورسز جي آپريشن دوران 8 دهشتگرد مارجي ويا.
پاڪ فوج جي ترجمان اداري آءِ ايس پي آر موجب، ڊيرا اسماعيل خان ۾دهشتگردن جي موجودگي جي اطلاع تي آپريشن ڪيو ويو.
آءِ ايس پي آر موجب، آپريشن دوران 8 دهشتگرد مارجي ويا، مارجي ويل دهشتگرد ڪيترين ئي ڪاررواين ۾ ملوث هئا.
آءِ ايس پي آر جو چوڻ آهي ته مارجي ويل دهشتگردن جي قبضي مان وڏي انگ ۾ هٿيار، گولا بارود ۽ ڌماڪيدار مواد هٿ ڪيو ويو آهي.
آءِ ايس پي آر جو چوڻ آهي ته سڪيورٽي فورسز ملڪ مان دهشتگرديءَ جي خاتمي لاءِ پرعزم آهن.