بونير: گاڏي کاهيءَ ۾ ڪِرڻ سبب هڪ ئي خاندان جا 8 ڀاتي فوت

بونير (ويب ڊيسڪ) خيبر پختونخواهه جي ضلعي بونير جي علائقي چغرزئي ۾ گاڏي کاهيءَ ۾ ڪرڻ سبب عورتن ۽ ٻارن سميت 8 ڄڻا فوت ٿي ويا.
پوليس موجب هڪ ئي خاندان جا 8 ڀاتي پنهنجي گاڏي ۾ شاهي ڳوٺ وڃي رهيا هئا ته چغرزئي پانڍير وٽ تيز رفتاري سبب سندن گاڏي کاهيءَ ۾ ڪِري پئي.
پوليس ٻڌايو ته حادثي ۾ گاڏي ۾ سوار سمورا ماڻهو فوت ٿي ويا، مقامي ماڻهن ۽ پوليس لاشن کي ڪڍي اسپتال منتقل ڪيو.