سيوھڻ : بيبي فاطمـة الزھريٰ عھ جي ولادت جو ڏھاڙو عقيدت ۽ احترام سان ملھايو ويو
سيوھڻ (رپورٽ: محمد صفر سيوھاڻي) سڄي دنيا جيان سيوھڻ ۾ بـ جشن سيده طاھرہ عابدہ زاھدہ دختر رسول صلى الله عليه وآلہ وسلم بيبي فاطمـة الزھرا عليہ سلام جي ولادت وڏي عقيدت ۽ احترام سان ملھايو ويو، جڏھن ته جشن ولادت باسعادت ڊاڪٽر محمد اقبال جعفري جي اڳواڻي ۾ انجمن اھل بيت طرفان امام بارگاه جعفريـ شيخ محلـ سيوھڻ شريف ۾ منعقد ڪيو ويو،
جشن ولادت جي پروگرام جي شروعات قرآن پاڪ جي تلاوت سان ڪئي وئي، ان کان پوء قصيده خوانن ۾ غلام مصطفىٰ سمون ، زوار مھدي رضا، زوار حبدارعلي ۽ اسدعلي ڀٽي پنهنجي نظراني عقيدت جا گل نڇاور ڪيا،
جڏھن ته ان موقعي تي خطابت جي سلسلي ۾ خطيب آل محمد مولانا غلام شبير حيدري پنهنجي خطاب ۾ جشن ولادت بي بي فاطمةالزھرا عليه سلام جي شان ۾ خطاب ڪيو ۽ ھن جشن ولادت ۾ آيل مھمانن جا دل ايمان سان تازا ڪري ڇڏيا، ھ
ن جشن ۾ شامل سيوھڻ شھر جا سادات معززين سان گڏ سيوھڻ شھر جي مومنن ڀائرن ۽ سيوھڻ شھر جي عوام وڏي تعداد ۾ شرڪت ڪئي، جڏھن ته ھن جشن ولادت جي تقريب ۾ دعا خاص پڻ گھري ويئي، جنھن ۾ آيل سڀني مؤمن مسلمان جي صحت ، عزت، شھريت ۽ مال رزق ۾ برڪت لاء ڪئي وئي،
۽ خاص طور تي دعا ڊاڪٽر محمد اقبال جعفري جي خاندان ۽ انهن جي وصال ڪيل عزيزو عقارب جن جي مغفرت لاء پڻ دعا گھري ويئي، ۽ آخر ۾ ھن جشن ولادت جي پروگرام ۾ لنگر جو پڻ احتمام ڪيو ويو ھئو،
جيڪو لنگر آيل مؤمنن ۾ تقسيم ڪيو ويو ، جڏھن ته جشن ولادت جي موقعي تي امام بارگاھ جعفريه شيخ محله سيوھڻ شريف کي بلبن سان سينگاريو پڻ ويو ھئو.
جنوري 3, 2024اي پيپر
