اسلام آباد آپگهاتي حملي جي جاچ ۾ اهم اڳڀرائي، افغاني ماسٽر مائينڊ گرفتار

اسلام آباد (ويب ڊيسڪ) اسلام آباد ۾ آپگهاتي حملو ڪندڙ دهشتگرد جي افغاني ماسٽر مائينڊ کي گرفتار ڪيو ويو.
سيڪيورٽي ذريعن موجب گذريل ڏينهن اسلام آباد جي علائقي ترلائي ڪلان ۾ ٿيندڙ آپگهاتي ڌماڪي جي جاچ ۾ اهم اڳڀرائي ٿي آهي، انٽيليجنس ۽ قانون لاڳو ڪندڙ ادارن پشاور ۽ نوشهرا ۾ ڇاپا هڻي مختلف گرفتاريون ڪيون آهن.
سيڪيورٽي ذريعن جو چوڻ آهي ته آپريشن ٽيڪنيڪل ۽ هيومن انٽيليجنس بنياد تي ڪيا ويا، جنهن ۾ آپگهاتي حملي آور جي 4 سهولتڪارن کي گرفتار ڪيو ويو.
ذريعن موجب آپگهاتي حملي جو ماسٽر مائينڊ افغان شهري هو، جنهن جو واسطو ڪالعدم داعش سان هو، جنهن کي گرفتار ڪيو ويو آهي.