ڪنري ۾ هوٽل قتل ڪيس، پوليس ٻن جوابدارن کي 24 ڪلاڪن ۾ گرفتار ڪيو

عمرڪوٽ(رپورٽ جمال الدین خاصخيلي)‌ ڪنري، نمائندو، ڪنري ايس ايڇ او انسپيڪٽر فرحان ميمڻ پوليس اسٽيشن ۾ پريس ڪانفرنس ڪندي چيو ته ٽي ڏينهن اڳ مقتول امير بخش ڀٽي کي ٽوئن شهرن ۾ بوستان بائي پاس تي واقع هڪ هوٽل ۾ قتل ڪيو ويو هو. پوليس پنهنجي پيشه ورانه ڪارڪردگي جو مظاهرو ڪندي قتل ۾ ملوث ٻن جوابدارن جاويد نوحاني ۽ سردار عرف سردار نوحاني کي 24 ڪلاڪن اندر گرفتار ڪري ورتو آهي.

انهن جي قبضي مان هڪ پستول، ان جون گوليون ۽ واقعي ۾ استعمال ٿيندڙ موٽرسائيڪل پڻ هٿ ڪئي وئي آهي. هن چيو ته اهو واقعو پراڻي دشمني جو مظهر آهي. معلومات موجب مقتول 25 سال اڳ گرفتار جوابدار جي هڪ ويجهي مائٽ کي قتل ڪيو هو، جنهن جي بنياد تي هي واقعو پيش آيو.

هن چيو ته ڌرين ۾ ڇڪتاڻ برقرار آهي، تنهن هوندي به ڪنهن کي به قانون کي هٿ ۾ وٺڻ جي اجازت نه ڏني ويندي. جيڪڏهن ڪا به ڌر قانون کي هٿ ۾ کڻڻ جي ڪوشش ڪندي ته انهن خلاف سخت ڪارروائي ڪئي ويندي.

فيبروري 5, 2026