سڪرنڊ: هڪ ئي رات ۾ چار چوريون، ڳوٺاڻن جو احتجاج، پوليس تي ناڪاميءَ جو الزام
سڪرنڊ ( رپورٽ: راج ڪماراوڏ) سڪرنڊ لڳ ڳوٺ ماڙي جلباڻي ٿاڻي جي حد ۾ هڪ ئي رات ۾ مختلف ڳوٺن مان چوريءَ جون چار واردتون چور لکين روپين جو سامان چوري ڪري ويا هوڏانهن نامعلوم چورن پاران گهرن ۾ داخل ٿي سون ، پئسا ، هٿيار چوري ٿيڻ خلاف ڳوٺاڻن پاران سخت احتجاج ڪيو احتجاج دوران ڳوٺاڻن کٻڙ خان گدارو ، ڇٽل گدارو ، گلبهار ۽ ٻين چيو ته سڪرنڊ تعلقي اندر چورن ۽ ڦورن رڻ ٻاري ڏنو آهي
ڪا به رات خالي ناهي جو چوري يا ڦر نه ٿي هجي. پوليس مڪمل طور امن ڪرائڻ ۾ ناڪام ٿي چڪي آهي هنن ڊي آئي جي شهيد بينظيرآباد ۽ وس وارن کان مطالبو ڪيو آهي ته فوري طور چوري ٿيل سامان واپس ڪرائي علائقي ۾ امن بحال ڪرايو وڃي.ٻئي پاسي سڪرنڊ شهر مان پڻ گزريل هفتي دوران چار موٽر سائيڪلون ڦُر ٿي چڪيون آهن جنهن جو پڻ ڪو داد نه ٿيو آهي
آگسٽ 26, 2025اي پيپر
