قمبرڪوٽ ۾ نوجوان اتحاد جو روڊ جي مرمت لاءِ احتجاج

وڳڻ (رپورٽ:عاجز چانڊيو) وڳڻ قمبرڪوٽ ۾ نوجوان اتحاد پاران روڊ جي مرمت لاءِ احتجاج  ڳوٺ قمبرڪوٽ ۾ نوجوان اتحاد طرفان ڳوٺ جي خراب روڊ بابت احتجاجي مظاهرو ڪيو ويو، احتجاج ۾ نديم مغيري، احسان مغيري، امتياز مغيري، سجاد مغيري سميت ٻين شرڪت ڪئي،

شرڪت ڪندڙن تڪ جي چونڊيل نمائندن خلاف سخت نعريبازي ڪئي، احتجاج ڪندڙن جو چوڻ هو ته وڳڻ شھر کان ڳوٺ طرف ايندڙ روڊ گذريل 20 سالن کان خراب حالت ۾ آهي، جنهن سبب روزاني اچ وڃ ۾ شديد تڪليفون پيش اچي رهيون آهن، هنن ٻڌايو ته ايم اين اي عامر مگسي ۽ ايم پي اي برهان چانڊيو ڪيترائي ڀيرا واعدا ڪيا، پر اڃا تائين عملي ڪم شروع نه ٿيو آهي،

هنن مطالبو ڪيو ته روڊ جي فوري مرمت ۽ تعمير ڪئي وڃي ته جيئن رهواسين کي محفوظ ۽ آسان آمد و رفت جو حق ملي سگهي، ٻي صورت ۾ احتجاج جو دائرو وڌائڻ جو چتاءُ ڏنو ويو،

آگسٽ 11, 2025