دادو: پوليس ڀرتي تي عدالتي اسٽي ختم ڪرائڻ ۽ مقرريون جاري ڪرڻ لاءِ نوجوانن جو دادو پريس ڪلب اڳيان احتجاج،

دادو (رپورٽ: سرور جلال سولنگي) دادو ضلعي جي نوجوانن پاران پوليس ڀرتي تي سنڌ ھاءِ ڪورٽ حيدرآباد بئنچ جي اسٽي ختم ڪرائڻ ۽ مقررين جو عمل مڪمل ڪرڻ لاءِ دادو پريس ڪلب اڳيان احتجاجي مظاهرو ڪيو ويو۔ مظاهرين هٿن ۾ بينر ۽ پلي ڪارڊ کڻي انصاف جي فراهمي، ميرٽ تي عمل ۽ ڀرتي مڪمل ڪرڻ جا نعرا هيان، مظاھرين نوجوانن خليق احمد لنڊ، حافظ فداحسين، ضمير علي سولنگي،

وسيم لنڊ ۽ ٻين چيو تہ اسان 2024ع ۾ 1819 اميدوار پاس ٿيا ھئاسين، اسان ڏينهن رات محنت ڪري جسماني ۽ تحريرِي ٽيسٽ سميت سمورا مرحلا ڪاميابي سان پاس ڪيا، پر ڀرتي جي آخري مرحلي تي پوليس ۾ تقرري جو عمل هڪ عدالتي اسٽي سبب رڪيل آهي، ٻين ضلعن ۾ اميدوار کي آفر آڊر ڌنا ويا آھن، باقي صرف دادو ۽ ٽنڊو الھيار ضلعن جا اميدوار رھيل آھن، جنهن سبب اسان جو مستقبل خطري ۾ پئجي ويو آهي،

انهن جو چوڻ هو ته ڀرتي جو سمورو عمل شفاف طريقي سان مڪمل ٿيو، سڀ اميدوار ميرٽ تي پورا لٿا، ان باوجود تقرري بدران مايوسي ملي آهي، مظاهرين نوجوانن الزام لڳايو ته بااثر ماڻهو ڀرتي جي عمل ۾ رڪاوٽ بڻيل آهن، جيڪو نوجوانن سان سراسر ناانصافي آهي، انهن مطالبو ڪيو ته پوليس ۽ لاڳاپيل اختيارين کي گهرجي ته فوري طور تي اسٽي ختم ڪرائي مقرري جا آرڊر جاري ڪن،

جيئن نوجوان بيروزگاري بدران معاشري جو ڪارآمد حصو بڻجي سگهن،  مظاهرين حڪومت سنڌ ۽ اعليٰ اختيارين کان مطالبو ڪيو ته معاملي ۾ فوري مداخلت ڪئي وڃي ۽ هزارين نوجوانن کي وڌيڪ ذهني اذيت کان بچايو وڃي، ٻي صورت ۾ احتجاج جو دائرو وڌايو ويندو،

آگسٽ 11, 2025