ڦلجي اسٽيشن ۾ سيوا پاران جشن آزادي جي حوالي سان ريلي، پاڪ فوج سان يڪجهتي جو اظهار

ڦلجي اسٽيشن (رپورٽ:غلام حيدر پنھور)ڦلجي اسٽيشن ۾ سنڌ ايڪس سروس مين ويلفيئر ايسوسيئيشن  (سيوا) جي سڏ تي پياري ملڪ پاڪستان جي آزادي جي خوشي ۾ هٿن ۾ جهنڊا ۽ پينا فليڪس کڻي جشن آزادي جي حوالي سان ريلي ڪڍي وئي ، ريلي ۾ سيوا اڳواڻن سميت صحافين ،استادن توڙي  شهرين ،وڏي انگ ۾ شرڪت ڪئي ، ريلي حيدر چوڪ کان نڪتي جيڪا شھر مختلف رستن کان ٿيندي اچي ايوان صحافت پريس ڪلب اڳيان پھتي ،جتي  اڳواڻن پاران پاڪستان زنده آباد ، پاڪ فوج زنده آباد جا جذباتي نعرا  هنيا ويا،

ان موقعي تي اڳواڻن  صدر (سيوا) ضلعا دادو  محمد فياض سولنگي ، عبدالڪريم ، حامد علي ، غلام شبير پنهور ، محمد جمن ، سردار ٻٻر ، مور خان ، اشفاق احمد ، فيض محمد ، رائو انوار راجپوت ، وفا ياسين آرائين ، ايڊوڪيٽ سڪندر پنهور ، علي اصغر ملڪ ، شڪيل پنهور ، اسلم راجپوت ، نظير چانڊيو ، ۽ ٻين چيو ته 1947 ع ۾ جدوجهد ڪندڙن  پنهنجي عظيم  قربانين زريعي هن ملڪ کي وجود ۾ آندو ،

اڄ جشن آزادي جي موقعي انهن کي سلام پيش ڪيون ٿا ، جن انگريز سامراج کان برصغير جي مسلمانن کي آزادي ڏياري  هنن چيو ته آزادي وڏي نعمت آهي ، آزادي جو قدر غلامي ۾ گهاريندڙ قومن کي وڌيڪ هوندو آھي ، هي جشن آزادي جو پرمسرت موقعو پنهنجي ملڪ جو وجود بچائيندڙ پاڪ فوج جي نالي ڪيون ٿا  اسين پاڪ فوج سان هر ڏکئي سکئي وقت ڪلهو ڪلهي ۾ ملائي بيٺا آهيون ، اسان کي پنهنجي فوج تي فخر آهي ،

جن هن ملڪ جي بي لوڀ حفاظت ڪئي ، تازو پاڙيسري ملڪ هندستان سان لڳندڙ جنگ ۾ حصو وٺي ملڪ جي حفاظت ڪئي انهن پاڪ فوج جي جوانن کي پڻ سلام پيش ڪيون ٿا ۽ اسين هن ملڪ لاء دعاگو آهيون

آگسٽ 10, 2025