ڄامشورو ۾ غير قانوني اڏن ۽ حددخلين خلاف ضلعي انتظاميا جي ڪاروائي
ڄامشورو(رپورٽ: محمد وارث ڪوريجو)ڄامشورو ضلعي انتظاميا پاران ڄامشورو ڦاٽڪ لڳ سيهوڻ روڊ تي ٻيهر غير قانوني اڏن ۽ حددخلين خلاف ڪاروائي ڊپٽي ڪمشنر ڄامشورو غضنفر علي قادري جي هدايتن تي مختيارڪار ڪوٽڙي ماجد علي خاصخيلي، سيڪريٽري آر ٽي اي حيدرآباد سليم ميمڻ سان گڏ ڄامشورو ڦاٽڪ روڊ تي غير قانوني حددخلين ۽ اڏن خلاف آپريشن ڪيو، جنهن دوران مختلف گاڏين تي چالان پڻ جاري ڪيا ويا،
مختيارڪار ڪوٽڙي ٻڌايو ته ڪجهه ڏينهن اڳ به ڄامشورو ڦاٽڪ تي ڇپرا ۽ ڪيبن ڊاهي پٽ ڪيا ويا هئا، پر ٻيهر غير قانوني بيهڪ ۽ اڏا لڳڻ تي قدم کنيا ويا. هن خبردار ڪيو ته ڦاٽڪ تي گاڏين جي بيهڻ سبب ٽريفڪ جام ٿي عوام کي سخت تڪليفون ٿين ٿيون، تنهنڪري ٻيهر غير قانوني اڏا ڏسڻ تي سخت قانوني ڪارروائي ڪئي ويندي، ڪاروائي دوران سيڪريٽري آر ٽي اي سليم ميمڻ، ڄامشورو پوليس انچارج زمان پنهوَر،
اينٽي انڪروچمينٽ فورس، ٽريفڪ پوليس ۽ روينيو عملو موجود هو، بعد ۾ مختيارڪار ماجد علي خاصخيلي پنهنجي ٽيم سان گڏ ڄامشورو المنظر درياهه تي جشن آزادي – معرڪو حق جي سلسلي ۾ ٻيرين تي قومي پرچم لڳايا ويا
آگسٽ 10, 2025اي پيپر
