ڀان سيدآباد ۾ دوڪانن جي مالڪي جو تڪرار سردارن جي سرپنچي ۾ ميمڻ برادري جي حق ۾ فيصلو
سيوھڻ (رپورٽ: محمد صفر ايم سيوھاڻي ) ڀان سيدآباد شھر ۾ گذريل ڪيتري عرصي کان دوڪانن جي مالڪي تان ٻن ڌرين ميمڻ ۽ ڀنڊ برادري ۾ تڪرار ھلندڙ ھئو، جنھن جو فيصلو سردار حاڪم خان نوحاڻي ۽ سردار محمد رجب شاھاڻي جن جي سرپنچي ۾ ٿي گذريو، تفصيل موجب ڀان سيدآباد شھر جي مين چونڪ تي دوڪانن جي مالڪي تان تڪرار ھڪ ڌر نالي محمد صادق ميمڻ، عزيز ميمڻ،
اسد ميمڻ ۽ ٻي ڌر نالي سڪندر ڀنڊ ء حاجي خان ڀنڊ سان ڪيتري وقت کان هلندڙ ھئو، ھن معاملي جو نبيرو ٿي گذريو، جڏھن ته ھن فيصلي جي فتوا ميمڻ برادري جي حق ۾ آئي، سردار حاڪم خان نوحاڻي ٻنهي ڌُرين جون ڳالھيون ٻڌيون، ڳالھيون ٻڌڻ کانپوءِ فيصلو ميمڻ برادريءَ جي حقّ ۾ ڏئي فتوا ٻڌائي، فتوا ٻڌائيندي سردار حاڪم خان نوحاڻي چيو ته زمين ميمڻن جي آهي، باڪي جيڪا دوڪانن جي اڏاوت آهي اھا ڀنڊ برادري جي آھي، صرف ان اڏاوت جا پئسا ٻن امينن جي وِچَ ۾ ڪرايا ويندا،
پوء اھا رقم ميمڻ جي ڌر ڀنڊ ڌر کي ڏيندي، ائين ئي ڀنڊ ڌر وارا دوڪان خالي ڪري اسد ميمڻ جي ڌر حوالي ڪندا، جڏھن ته ھي فيصلو سردار حاڪم خان نوحاڻي ۽ سردار رجب خان شاهاڻي جي سرپنچي هيٺ ٿي گذريو، ھن فيصلي جي آخر ۾ دعا خير گھري ويئي.
آگسٽ 10, 2025اي پيپر
