ٺٽو حيدرآباد نيشنل هاءِ وي تي ڦرون معمول، ڏاڏوري وٽ سوزوڪي تي فائرنگ، پوليس تي بي عملي جو الزام

ٺٽو  (رپورٽ: نظير احمد قريشي) حيدرآباد نيشنل هاء وي تي ڏينهن ڏٺي جو ڦرون معمول بڻيل ، اڄ به جهرڪ ٿاڻي جي حد ڏاڏوري وٽ ون ٽو فائيو تي سوار ڦورن سوزوڪي روڪڻ لاء فائرنگ پڻ ڪئي.  وڏي عرصي کان وٺي ٺٽو حيدرآباد  نيشنل هاء وي تي چليا ٽول ٽيڪس واري جڳھ جي آسپاس  ، سونڊا لڳ ڏاڏوري ۽ حميد فارم ۽ بوتو مڪان جي ويجهو موٽر سائيڪل تي سوار مقام ڦورن رڻ ٻاري ڏنو آهي

روز ڏينهن ڏٺي ڦرون پيا ڪن ، پوليس ڪجه دير لاء موبائل بيهاري پوء غائب ٿيو وڃي  اڄ صبح جو به جهرڪ پوليس جي حد ۾ ڏينهن ڏٺي ڏاڏوري ويجهو قومي شاھراه تان گاڏي ڦر ڪرڻ جي ڪوشش، ڪجھ دير پهرين ڪينجهر جو رهواسي سوزوڪي ڊرائيور اشرف سولنگي سوزوڪي ۾ حيدرآباد وڃي رهيو هو تہ ڏاڏوري ويجهو رستي ۾ ون ٽُو فائيوِ موٽر سائيڪل تي سوار 3 هٿياربند ڦورو سوزوڪي جو پيڇو ڪري گاڏي کي روڪڻ جي ڪوشش ڪندا رهيا،

ڊرائيور پاران گاڏي نہ بيهارڻ تي ڦورو سرعام گاڏيءَ مٿان فائرنگ ڪندا رهيا. سوزوڪي ۾ سوار ٻارن ۾ خوف وچان رڙيون، ڊرائيور ٻارن ۽ گاڏي کي ڦرجڻ کان بچائي جهرڪ پوليس کي اطلاع ڏنو، جهرڪ پوليس ڦورون جو پيڇو ڪرڻ بغير واپس رواني ٿي وئي.؟ ايس ايس پي ٺٽو جهرڪ پوليس جي اهڙي رويي جو نوٽيس وٺي ۽ ڦورون خلاف ڪارروائي ڪرائي عوام کي ڦرجڻ کان بچائي وڃي

آگسٽ 10, 2025