سکر ۾ ڊپٽي ميئر ڊاڪٽر ارشد مغل پاران جشن آزادي ۽ معرڪه حق جي مناسبت سان شجرڪاري مهم جي شروعات

سکر (رپورٽ:امداد گل ڪلوڙ) سکر جي سائيٽ ايريا واري علائقي ڳوٺ علي خان کوسو ۾ ڊپٽي ميئر سکر ڊاڪٽر ارشد مغل پاران جشن آزادي ۽ معرڪه حق جي مناسبت سان شجرڪاري مهم جي شروعات ڪئي وئي. ان موقعي تي مختلف قسمن جا وڻ ۽ ميويدار وڻن جا ٻوٽا روڊ جي ڪنارن ۽ کوسو ڳوٺ جي چوڌاري پوکيا ويا ،

ان موقعي تي يو سي وائيس چيئرمين اميد علي کوسو شمس الدين کوسو سميت ٻين شخصيتن شرڪت ڪئي. ميڊيا سان ڳالهائيندي ڊپٽي ميئر ڊاڪٽر ارشد مغل چيو ته جشن آزادي جي موقعي تي 10 آگسٽ تي سکر ميونسپل اسٽيڊيم ۾ ميوزڪ ڪنسرٽ پروگرام منعقد ٿي رهيو آهي

آزادي جو جشن ملڪ جي شهيدن کي خراج تحسين پيش ڪرڻ لاءِ ملهايو ويندو آهي ، سبز ۽ سرسبز ماحول شهر جي خوبصورتي ۽ عوام جي صحت لاءِ ضروري آهي ان ڪري اسان سڀني جي ذميواري آهي ته وڻڪاري کي فروغ ڏيون.

آگسٽ 10, 2025