دادو: ڦلجي اسٽيشن جي سينئر صحافي رانا نصرالله راجپوت مٿان بااثرن جي فائرنگ احتجاج اڳوڻي ڊي ايس پي خلاف قانوني ڪاروائي جو مطالبو، صحافين ۾ بيچيني،  

دادو (رپورٽ: سرور جلال سولنگي) ڦلجي اسٽيشن جي سينئر صحافي رانا نصرالله راجپوت تي بااثر قبضا مافيا طرفان فائرنگ ۽ جان سان مارڻ جون ڌمڪيون، فائرنگ ۾ صحافي معجزاني طور محفوظ رهيو، رانا نصرالله راجپوت، رانا شبير احمد، رانا عبدالله، قدير خان ۽ ٻين احتجاجي مظاھرو ڪري، ايس ايڇ او ڦلجي، رٽائر ڊي ايس پي قبضا مافيہ خلاف سخت نعري بازي ڪندي دانھيو تہ هو ديھ پراڻو ديرو ۾ اسان  پنهنجي سروي زرعي زمين تي ٽريڪٽر وسيلي فصل لاءِ ڪيئن ھلرائي رهيو هئس ته ريٽائرڊ ڊي ايس پي غلام رسول پنھور ۽ سندس پٽن عمران،

ڪامران 5 نامعلوم هٿياربندن سان گڏ بنا نمبر پليٽ واري ڪاري ويگو گاڏي ذريعي زمين تي اچي ٽريڪٽر روڪرائي زبردستي ڪم بند ڪرائي گارگند ڪرڻ سان گڏ قتل ڪرڻ جون ڌمڪيون ڏنيون ۽ چيو ته اسان توکي زمين آباد ڪرڻ نه ڏينداسين، اطلاع تي ايس ايڇ او ڦلجي اسٽيشن سانوڻ ڪلھوڙو ۽ پوليس جي روايتي سستي سبب هٿياربند گاڏي مان لھي فرار ٿي ويا، متاثر صحافي جو چوڻ آهي ته پوليس بااثر ماڻهن جي ونگار ڪندي گاڏي کي تحويل ۾ به نه ورتو پر سندس زمين مان ٽريڪٽر به ڪڍرائي ڇڏيو ۽ ڪم ڪرڻ کان پڻ روڪي ڇڏيو آھي،

هن وڌيڪ چيو ته بااثر غلام رسول پنھور 2011ع ھن جي خلاف خبرون ھلايون ھيون پوليس کاتي جي انڪوائري ۾ ڏوھي ثابت ٿيو ھو جنھن کان پوءِ زمين تي قبضي ڪرڻ جي ڪوشش ۾ آھي، مظاھرين مطالبو آهي ته آءِ جي سنڌ، ڊي آءِ جي حيدرآباد، ايس ايس پي  دادو فوري طور تي حملي ڪندڙن ۽ ونگاري ايس ايڇ او جي خلاف  انڪوائري ڪرائي مخالف قبضہ گروپ خلاف قانوني ڪارروائي ڪري، ته جيئن کين انصاف ملي سگهي،

آگسٽ 10, 2025