ايشيا ڪپ جو شيڊيول جاري، پاڪ-ڀارت دنگل جي تاريخ نوٽ ڪري ڇڏيو
دبئي (ويب ڊيسڪ) ايشين ڪرڪيٽ ڪائونسل ايشيا ڪپ ٽورنامينٽ 2025ع جو شيڊيول جاري ڪري ڇڏيو.
جاري ڪيل پڌرائيءَ موجب، پاڪستان، ڀارت، يو اَي اي ۽ عمان کي گروپ ۾ رکيو ويو آهي، جڏهن ته بنگلاديش، سريلنڪا، افغانستان ۽ هانگ ڪانگ گروپ بي ۾ شامل آهن.
ايشيا ڪپ جي افتتاحي ميچ 9 سپٽيمبر تي افغانستان ۽ هانگ ڪانگ وچ ۾ کيڏي ويندي.
پاڪستان 12 سپٽيمبر تي تي عمان خلاف ميدان تي لهندو، ميگا ايونٽ جو سڀ کان وڏو دنگل يعني پاڪ-ڀارت ميچ 14 سپٽيمبر تي کيڏي ويندي.
پاڪستان ٽورنامينٽ ۾ پنهنجي آخري گروپ ميچ 17 سپٽيمبر تي گڏيل عرب امارتن خلاف کيڏندو.
واضح رهي ته ان کان اڳ ايشين ڪرڪيٽ ڪائونسل جي صدر محسن نقوي طرفان جاري ڪيل بيان ۾ چيو ويو هو ته ايشيا ڪپ 9 کان 28 سيپٽمبر تائين گڏيل عرب امارتن ٿيندو..
اي پيپر
