نوَ مئي ڪيس: پنجاب اسيمبلي ۾ اپوزيشن ليڊر ملڪ احمد سميت 36 جوابدارن کي 10-10 سال قيد جي سزا

لاهور (ويب ڊيسڪ) پاڪستان تحريڪ انصاف جي اڳواڻ ۽ پنجاب اسيمبليءَ ۾ مخالف ڌر جي اڳواڻ ملڪ احمد بڇر کي 9 مئي ڪيس ۾ 10 سال قيد جي سزا ٻڌائي وئي.
لاهور جي دهشتگرديءَ ٽوڙ عدالت جي جج ارشد جاويد طرفان ڪوٽ لکپت جيل ۾ 9 مئي واري ڪيس جي ٻڌڻي ڪئي وئي، جتي جوابدارن جي وڪيلن ۽ سرڪاري وڪيل پنهنجا حتمي دليل ڏنا، جنهن کان پوءِ عدالت 9 مئي تي شيرپائو تي ڪيل چڙ ڏياريندڙ تقريرن ۽ ڀڃ ڊاهه واري ڪيس جو جيل ٽرائل مڪمل ڪيو.
ان کانپوءِ عدالت مختصر فيصلو ٻڌائيندي مخالف ڌر جي اڳواڻ ملڪ احمد بڇر کي 10 سال قيد جي سزا ٻڌائي.
عدالت قومي اسيمبلي جي رڪن احمد ڇٽا سميت ڪيس ۾ ملوث ٻين سمورن ڪارڪنن کي به 10، 10 سال قيد جي سزا جو حڪم ڏنو.
عدالت احمد خان بڇر سميت ڪيس جي 32 جوابدارن کي حاضريءَ کان ڇوٽ ڏني هئي، جنهن سبب فيصلي وقت ملڪ احمد بڇر سميت ڪو به جوابدار عدالت ۾ موجود نه هو.
عدالت ٻڌايو ته ڊاڪٽر ياسمين راشد جو وڪيل وڌيڪ دليل سڀاڻي صبح 10 وڳي ڏيندو ، جنهن کانپوءِ فيصلو ٻڌايو ويندو.
عدالت شاهه محمود قريشي سميت 14 جوابدارن جو ٽرائل مڪمل ڪيو، جن جي خلاف 61 سرڪاري شاهدن بيان رڪارڊ ڪرايا.