پي ٽي آءِ جي رُٺل اڳواڻن جو سينيٽ چونڊن تان هٿ نه کڻڻ جو اعلان

پشاور (ويب ڊيسڪ) پاڪستان تحريڪ انصاف (پي ٽي آءِ) جي ناراض اميدوارن سينيٽ چونڊن تان هٿ نه کڻڻ جو اعلان ڪري ڇڏيو.
ناراض اڳواڻن جي اجلاس ۾ عرفان سليم، خرم ذيشان ۽ عائشا بانو شرڪت ڪئي.
هڪ بيان ۾ پي ٽي آءِ اڳواڻ خرم ذيشان چيو ته ڳالهه چونڊن کان گهڻو اڳتي نڪري وئي آهي، اصولن تان پٺتي هٽڻ ممڪن ناهي، سياست ۽ سيٽون کڏ جي تري ۾ پوَن ، اسان اصول تي قائم آهيون.
ٻئي پاسي پيپلز پارٽي جي اميدوار طلحه محمود چيو ته جيڪڏهن پي ٽي آءِ جا ناراض اميدوار هٿ نه به کڻن ته حڪومت ۽ اپوزيشن گڏجي مقابلو ڪندا، ٻنهي ڌرين ۾ 6 ۽ 5 سيٽن تي معاهدو ٿيو آهي.
هوڏانهن پي ٽي آءِ چيئرمين بئريسٽر گوهر ٻڌايو ته سياسي ڪميٽي فيصلو ڪيو آهي ته جيڪي اميدوار پي ٽي آءِ باني نامزد نه ڪيا آهن، اهي ڪاغذ واپس وٺن، ٻي صورت ۾ سندن خلاف ڪارروائي ڪئي ويندي.
ذريعن موجب، جيڪڏهن ناراض اميدوار دستبردار نه ٿيا ته پي ٽي آءِ اپوزيشن سان مقابلو ڪندي، جنهن سان حڪومت ۽ اپوزيشن ۾ ٿيل سيٽن وارو معاهدو ختم ٿي ويندو.