عام ماڻهو لاءِ عزت سان زندگي گهارڻ ڏکي بڻجي وئي:فضل الرحمان

اسلام آباد(ويب ديڪس) مرحوم واپاري ۽ بااثر شخصيت تاجي کوکر جو پٽ، فرخ کوکر باقاعدي طور تي جمعيت علماءِ اسلام (ف)  ۾ شامل ٿي ويو آهي، تقريب کي خطاب ڪندي  يو آءِ (ف) جي سربراهه مولانا فضل الرحمان چيو ته جماعت جو مقصد ملڪ کي اسلامي جمهوري رياست بڻائڻ آهي.جي يو آءِ (ف) هميشه اسلامي آئين ۽ مذهبي قدرن جي تحفظ لاءِ جدوجهد ڪئي آهي.ملڪ ۾ ڪجهه قوتون پاڪستان جي اسلامي سڃاڻپ کي ڪمزور ڪرڻ چاهن ٿيون،

پر اهي ناڪام ٿينديون،هن چيو  ته اسين نظرياتي بنيادن تي ڪوبه سودو نه ڪنداسين، ملڪ جي معاشي صورتحال انتهائي خراب آهي، مهانگائي عروج تي آهي ۽ عام ماڻهو لاءِ باعزت زندگي گذارڻ ڏکيو ٿي ويو آهي. جڏهن ته اسان جا پاڙيسري ملڪ ترقي ڪري رهيا آهن، پاڪستان اقتصادي تباهي ڏانهن وڌي رهيو آهي.

جُولاءِ 20, 2025