چور سنگيتا بجلاڻي جي فارم هائوس مان الهه تلهه ٻُهاري ويا

پوني (ويب ڊيسڪ) چور بالي ووڊ جي اڳوڻي اداڪاره سنگيتا بجلاڻي جي فارم هائوس مان الهه تلهه ٻُهاري ويا.
پرڏيهي ميڊيا جي رپورٽن موجب، ڀارتي شهر پوني جي علائقي ماوَل ۾ قائم سنگيتا بجلاڻي جي فارم هائوس ۾ چوري جي واردات ٿي، جنهن بابت اڳوڻي اداڪارا اڻڄاڻ هئي.
پوليس ٻڌايو ته چوري جو پتو تڏهن پيو جڏهن سنگيتا بجلاڻي 4 مهينن کانپوءِ پنهنجي فارم هائوس جو دورو ڪيو.
پوليس وٽ داخل ڪرايل شڪايت ۾ سنگيتا بجلاڻي چيو ته فارم هائوس جو مکيه دروازو ۽ دريون ٽٽل هيون، ٽي وي، فريج ۽ بستري سميت ٻيون شيون غائب هيون ۽ فارم هائوس ۾ ڀڃ ڊاهه به ڪئي وئي آهي.
پوليس موجب، جاچ لاءِ ٽيم کي واقعي واري هنڌ تي موڪليو ويو آهي، جيڪا نقصان ۽ چوري ٿيل سامان جو ڪاٿو لڳائي رهي آهي.