پي ٽي آءِ 5 قومي اسيمبلي ميمبرن کي پارٽي مان ڪڍي ڇڏيو، نوٽيفڪيشن جاري

اسلام آباد (ويب ڊيسڪ) تحريڪ انصاف 26هين آئيني ترميم جي حق ۾ ووٽ ڏيندڙ 5 قومي اسيمبلي ميمبرن کي پارٽي مان ڪڍي ڇڏيو.
پي ٽي آءِ چيئرمين بيرسٽر گوهر موجب اهو فيصلو آئين ۽ جماعتي پاليسي کان ڦرڻ تي ڪيو ويو.
جاري ڪيل نوٽيفڪيشن موجب پارٽي پاليسي جي ڀڃڪڙي ڪندڙ ميمبرن اورنگزيب کچي، مبارڪ زيب خان، عثمان علي، ظهور قريشي ۽ الياس چوڌري کي باضابطا طور پارٽي مان ڪڍيو ويو آهي.