رياست يوٽيوب چينلن کان هارائي وئي؟ جواب ڏيڻ بدران پابنديون؟

اسلام آباد (ويب ديڪس) جيڪڏهن ڪو به يوٽيوب چينل، ڀلي پاڪستان مان هلي يا پرڏيهه مان، رياست مخالف پروپيگنڊا ڪري رهيو آهي ته حڪومت کي ان جو جواب ڏيڻ گهرجي، چينل تي پابندي نه لڳائڻ گهرجي. پابنديون لڳائڻ سان مخالف آواز وڌيڪ مقبول ٿي ويندا آهن، ۽ انهن جي مخالفت ۾ بي ضرر ناقد به متاثر ٿين ٿا. مثال طور مطيع الله جان، اسد طور، ۽ احمد نوراني تي پابندي نه هجڻ گهرجي. ڪجهه صحافي رڳو اڳوڻي حڪومت جو بيانيه پيا هلائين،

پر ان جو جواب بيان سان ڏنو وڃي، پابندي نه هجي. پاڪستان ۾ پيڪا قانون موجود آهي، تنهن هوندي به چينل بند ڪرڻ جو مطلب آهي ته رياست وٽ جواب ڏيڻ لاءِ دليل ناهي. آفتاب اقبال، اوريا مقبول جان، ۽ ٻيا جيڪي زهريلو مواد ڏين ٿا، انهن بابت به اظهار جي آزادي کي قائم رکندي قانوني طريقي سان نبيرو ٿيڻ گهرجي. جنگي حالتن ۾ جيڪو به چينل دشمن جي پروپيگنڊا جو حصو بڻجي،

ان تي قانوني ڪارروائي ٿيڻ گهرجي، پر اظهار جي آزاديءَ کي عام حالتن ۾ ختم نه ڪيو وڃي. ان سان گڏ بلاڪ لسٽ ۾ شهباز گل ۽ ميجر عادل جا نالا نه آهن، جيڪي پڻ هڪ پارٽي جو بيانيو پيش ڪندا آهن. رياست کي مخالف بيانين سان مقابلو ڪرڻ لاءِ بهتر بيانيو آڻڻ گهرجي، پابندين سان جمهوريت ۽ اظهار جي آزادي کي نقصان رسندو.

جُولاءِ 9, 2025