سيوهڻ شريف ۾ سيد مهدي رضا شاه جي اڳواڻيءَ ۾ پينگهي ۽ تعزئي جو ماتمي جلوس، سيڪيورٽي ۽ نياز جو ڀرپور انتظام
سيوھڻ (رپورٽ: محمد صفر ايم) سيوھاڻي سيوهڻ شريف ۾ ڪربلا جي شهيدن کي ڀيٽا پيش ڪرڻ لاء عزاداري ۽ ماتمي جلوس برآمد ٿيڻ جو سلسلو جاري آهي، ان سلسلي ۾ گذريل رات به سيوهڻ شريف جي ننڍي امام بارگاه مان سيد مھدي رضا شاه جي سرپرستي ۾ پينگهي ۽ تعزئي جو جلوس برآمد ڪيو ويو،
ان موقعي تي اي ايس پي سيوهڻ ۽ ايس ايڇ او سيوهڻ طرفان سيڪيورٽي جا انتظام پڻ سخت ڪيا ويا هيا، ھن ماتمي جلوس ۾ هزارن جي تعداد ۾ مومنن ۽ عزادارن شرڪت ڪئي، ۽ ڪربلا جي شهيدن کي ڀيٽا پڻ پيش ڪئي ويئي، سيوهڻ ۾ سيد مهدي رضا شاه جي اڳواڻي ۾ نڪتل ماتمي جلوس مختلف روٽن ۽ رستن تان ٿيندو درگاه قلندر لعل شهباز وٽ اختتام پزير ٿيو،
جڏھن ته ھن جلوس جي گذرگاھن تي ڪيترن مؤمنن پاران سبيلون ۽ لنگر نياز پڻ عزادارن ۽ جلوس ۾ شامل مؤمن کي کارايو ويو، ھن جلوس جي گذرگاھن جي ميونسپل ڪاميٽي سيوھڻ جي انتظاميہ طرفان صفائي وغيره پڻ ڪرائي وئي ھئي.
جُون 30, 2025اي پيپر
